FORGOT YOUR DETAILS?

Hier is ‘n wenresep vir ‘n misverstand wanneer jy kommunikeer met jou maat

by / Tuesday, 26 February 2013 / Published in Esre Ackermann
couple-fighting-lg-97399631

Dit was laat een namiddag toe ons besluit het om rustig hand aan hand na die parkie toe te stap sodat ons kleinding bietjie kan gaan speel.

Terwyl ons rustig stap besluit ek dat dit die ideale geleentheid is om een van my drome met my maat te deel. Die gesprek het min of meer as volg verloop:
Ek: weet jy wat sal vir my nou awesome wees, as ek eendag finansieel daartoe instaat is om ……………….. Hy: Dit is nie lewensvatbaar nie.
Ek: Kyk hier, ek het nou so gedink om dan ……..
Hy: Ek sal nooit geld in so iets stoot nie, vergeet daarvan. Dit kan nie werk nie.
Ek: (ek probeer nog n laaste poging om hom te help om my droom te visualiseer waarop hy antwoord:
Hy: eers nadat hy vir my n elle lange finansielebestuurspreek afgesteek het, sluit hy af met die woorde: ek dink jy moet jou maar bepaal by dit waarin jy goed is en los maar die finansiele besluite vir my.

Uit radeloosheid stop ek die gesprek, want ek besef ek vorder net mooi nêrens daarmee nie. Ek wonder toe wat het dan nou skeefgeloop dat ek nou so onvergenoegd is met die hele geselsie waarna ek dan so uitgesien het. Ek het n tydjie daaroor gaan top en het tot die volgende gevolgtrekkings gekom:

..ek moes my maat inlig dat ek nou iets met hom wou deel wat vir my belangrik is. Dan kon hy homself instel om te luister.
..ek kon my maat vra of hy nou lus is om daarna te luister of wanneer dit hom sal pas dat ek dit met hom kan deel. Dan kon hy my reghelp en se:”weet jy ek wil nou net rustig stap sonder om my nou in te span om te luister maar wat van vannaand in die bad”?.
..ek kon my maat help deur my behoefte duidelik so te verwoord:”ek het nou nodig dat jy net sal luister. Ek soek nie nou enige advies of jou opinie nie”. Omdat ek nie my behoefte hier spesifiek verwoord het nie, het hy natuurlik aangeneem ek soek sy advies en opinie.
Hierdie is sommer n spreekende voorbeeld van hoe maklik ‘n misverstand kan ontstaan wat heelmoontlik kan ontaard in volskaalse konflik.

So onthou hierdie belangrike sleutels wanneer jy en jou maat weer kuier met Dare2shareboksie en jul ‘n kommunikasiekaartjie trek waar jy dalk n droom of ‘n wens met jou maat wil deel.

Wie van julle weet presies waarvan ek hier praat?

Groete, Esre.

TOP